«Ювентус» португалиялик вингер Жоау Мариуни «Фиорентина»га ижарага бериш бўйича келишувга эришди. Футболчи дўшанба куни тиббий кўрикдан ўтиши режалаштирилган.

Керим Алайбегович ва Рандаль Коло-Муани трансферларидан сўнг, «Ювентус» янги мавсум олдидан Лучано Спаллетти жамоасини қайта шакллантиришда давом этиб, асосий эътиборни футболчиларни сотиш ва ижарага беришга қаратди.

«Ювентус»нинг Осиёдаги мавсумолди турнесидан четда қолган Жоау Мариу, клуб режаларидан ўрин оломагани сабабли энди «Фиорентина»га ўтиш арафасида турибди.

Португалиялик вингер ўтган мавсумда ҳам Спаллеттининг лойиҳасига киритилмаган эди ва мавсумнинг иккинчи ярмини ижара асосида «Болонья»да ўтказди.

Келишувга кўра, 25 ёшли футболчи «бинафшаранглилар» сафига дастлаб ижара асосида бориб қўшилади, шартномада 12 миллион евро эвазига сотиб олиш опцияси ҳам кўзда тутилган.

Агар «Фиорентина» сотиб олиш бандини фаоллаштирса, Жоау Мариу клуб билан 2031 йилгача мўлжалланган шартномага қўл қўйиши кутилмоқда.