2029 йилги навбатдаги клублар ўртасидаги Жаҳон чемпионатининг ўтказилиши хавф остида қолмоқда. Бу ҳақда Daily Express нашри хабар бермоқда.
Манба берган маълумотларга кўра, ФИФА ва Европанинг етакчи клублари ўртасида мусобақада иштирок этиш бўйича келишув мавжуд эмаслиги сабабли турнир бўлиб ўтмаслиги мумкин.
Таъкидланишича, мезбон мамлакат ҳали танланмаган. Мусобақани ташкил этишга Австралия, Янги Зеландия, Бразилия, Германия, Мексика ва Англия қизиқиш билдирган, бироқ энг эҳтимолий номзодлар сифатида Қатар ёки АҚШ қолмоқда.
2025 йилги турнир АҚШда 14 июндан 13 июлга қадар 32 та жамоа иштирокида бўлиб ўтган эди. Финалда «Пари Сен-Жермен»ни 3:0 ҳисобида мағлуб этган «Челси» мусобақа ғолибига айланган.
