2029 yilgi navbatdagi klublar o‘rtasidagi Jahon chempionatining o‘tkazilishi xavf ostida qolmoqda. Bu haqda Daily Express nashri xabar bermoqda.
Manba bergan ma’lumotlarga ko‘ra, FIFA va Yevropaning yetakchi klublari o‘rtasida musobaqada ishtirok etish bo‘yicha kelishuv mavjud emasligi sababli turnir bo‘lib o‘tmasligi mumkin.
Ta’kidlanishicha, mezbon mamlakat hali tanlanmagan. Musobaqani tashkil etishga Avstraliya, Yangi Zelandiya, Braziliya, Germaniya, Meksika va Angliya qiziqish bildirgan, biroq eng ehtimoliy nomzodlar sifatida Qatar yoki AQSH qolmoqda.
2025 yilgi turnir AQSHda 14 iyundan 13 iyulga qadar 32 ta jamoa ishtirokida bo‘lib o‘tgan edi. Finalda «Pari Sen-Jermen»ni 3:0 hisobida mag‘lub etgan «Chelsi» musobaqa g‘olibiga aylangan.
