Уэльс футбол ассоциацияси (FAW) 2027 йилда бўлиб ўтадиган ФИФА президенти сайловида Жанни Инфантино номзодини қўллаб-қувватлаш қарорини қайтариб олганини эълон қилди.
Ташкилот бу қарорни жаҳон футболининг амалдаги раҳбарига нисбатан ишонч йўқолгани билан изоҳлади.
«Бошқарув, қарор қабул қилиш, етакчилик, мулоқот ва футбол жамоатчилиги билан ўзаро ҳамкорлик соҳасидаги сўнгги муаммолар бизни шундай хулосага олиб келдики, Инфантино энди Уэльс футбол ассоциациясининг ишончидан фойдаланмаяпти. Футбол манфаатларини биринчи ўринга қўя олмаслик биз учун қабул қилиб бўлмас ҳолатдир», — дейилади расмий баёнотда.
Аввалроқ, УЕФА Инфантинонинг ФИФА президенти лавозимидан кетишига эришиш учун илгари уни қўллаб-қувватлаган миллий ассоциацияларни ўз мактубларини қайтариб олишга чақираётгани ҳақида хабар берилган эди.
