Uels futbol assosiasiyasi (FAW) 2027 yilda bo‘lib o‘tadigan FIFA prezidenti saylovida Janni Infantino nomzodini qo‘llab-quvvatlash qarorini qaytarib olganini e’lon qildi.
Tashkilot bu qarorni jahon futbolining amaldagi rahbariga nisbatan ishonch yo‘qolgani bilan izohladi.
«Boshqaruv, qaror qabul qilish, yetakchilik, muloqot va futbol jamoatchiligi bilan o‘zaro hamkorlik sohasidagi so‘nggi muammolar bizni shunday xulosaga olib keldiki, Infantino endi Uels futbol assosiasiyasining ishonchidan foydalanmayapti. Futbol manfaatlarini birinchi o‘ringa qo‘ya olmaslik biz uchun qabul qilib bo‘lmas holatdir», — deyiladi rasmiy bayonotda.
Avvalroq, UEFA Infantinoning FIFA prezidenti lavozimidan ketishiga erishish uchun ilgari uni qo‘llab-quvvatlagan milliy assosiasiyalarni o‘z maktublarini qaytarib olishga chaqirayotgani haqida xabar berilgan edi.
