«Барселона» португалиялик ҳимоячи Жоау Канселунинг тўлиқ трансферини якунлашга яқин турибди.
Испаниянинг Diario SPORT нашри хабарига кўра, Каталония клуби футболчини сотиб олиш бўйича Саудия Арабистонининг «Ал-Ҳилол» клуби билан битимни яқин кунларда ёпади. 32 ёшли ҳимоячининг трансфери учун компенсация суммаси тахминан 10 миллион еврони ташкил этади.
Канселунинг ўзи «кўк-анорранглилар» билан икки йиллик шартномани келишиб олган. Португалиялик футболчи трансфер ойнаси бошиданоқ ўз устувор мақсадини аниқ белгилаб олган эди: у «Спотифай Камп Ноу»га қайтишни хоҳлади ва фаолиятини давом эттириш бўйича бошқа муқобил вариантларни рад этди.
