«Комо» клуби «Челси» билан марказий ҳимоячи Трево Чалобанинг трансфери бўйича келишувга эришди.

Журналист Жанлука Ди Марционинг хабар беришича, Англия клуби 27 ёшли футболчини тўлиқ асосда қўйиб юборишга рози бўлган. Битим суммаси 30 миллион еврони ташкил этади, яна 3 миллион евро эса бонуслар сифатида кўзда тутилган.

Қайд этилишича, Чалоба яқин кунларда шартнома имзолашдан олдин тиббий кўрикдан ўтиш учун Италияга етиб келади.

Чалоба 2021 йилдан бери «Челси» шарафини ҳимоя қилиб келмоқда. У лондонликлар таркибида 151 та ўйинда майдонга тушиб, 8 та гол урган ва жамоадошларига 3 та голли узатма оширган.