«Барселона» ҳужумчиси Ферран Торрес ўз келажаги ҳақида фикр билдирди. Бу ҳақда Diario Sport нашри хабар тарқатди.
26 ёшли футболчи ҳозирча каталонияликлар билан амалдаги шартномага эга эканини таъкидлади.
«Менинг "Барселона" билан шартномам бор. Лекин футболда ҳеч нарсани олдиндан аниқ айтиб бўлмайди. Мен фақат тўғри қарор қабул қилиш имкониятини кутяпман. Ҳозирча келаси мавсумда қаерда ўйнашимни билмайман», — деди Торрес.
Аввалроқ тарқалган хабарларга кўра, «Барселона» Ферран Торресни 55 миллион евро эвазига сотишга тайёр. Ҳужумчига асосий даъвогар сифатида Франциянинг «ПСЖ» клуби кўрилмоқда.
