«Рома» «Фулхэм»га ҳужумчи Кевин бўйича таклиф билан чиқди, аммо Англия клуби бразилиялик футболчини сотиб олишга бўлган бу уринишни рад этди. Бу ҳақда Globo нашри хабар бермоқда.

Манба хабарига кўра, римликлар 23 ёшли футболчи учун тахминан 50 миллион евро тўлашга тайёр эдилар. Ушбу сумма кафолатланган қисм ва бонусларни ўз ичига олган. «Фулхэм» эса Кевиннинг трансфер қиймати янада ошиши мумкин деб ҳисоблайди, шу сабабли у билан хайрлашишга тайёр эмас.

Англия клуби ҳужумчини бир йил аввал «Шахтёр»дан 45 миллион еврога (40 миллион + 5 миллион бонус кўринишида) сотиб олган эди. АПЛдаги илк мавсумида Кевин 31 та ўйинда майдонга тушиб, 3 та гол урди ва 3 та голли узатмани амалга оширди.