Инсайдер Фабрицио Романо X ижтимоий тармоғида "Ливерпуль" ва "Пари Сен-Жермен" ("ПСЖ") ҳужумчи Брэдли Барколанинг трансфери бўйича расмий музокараларни бошлаганини хабар қилди.

Журналистнинг маълумотига кўра, Англия клуби дастлабки таклиф суммасини 100 миллион евродан ортиқ миқдорда белгилаган, аммо бу сумма ҳозирча парижликларнинг талабидан сезиларли даражада паст.

Қайд этилишича, Барколанинг ўзи "Ливерпуль"га ўтишдан манфаатдор. Аввалроқ Романо футболчининг ушбу истаги ҳақида май ойидаёқ хабар берган эди.

Ўтган мавсумда "ПСЖ" ҳужумчиси барча турнирларда 49 та ўйинда майдонга тушиб, 13 та гол ва еттита голли узатмага муаллифлик қилди. Transfermarkt порталида келтирилган маълумотларга кўра, футболчининг бозор қиймати 90 миллион еврони ташкил этади.