Журналист Рамон Альварес де Моннинг хабарига кўра, «Реал» ва Винисиус Жуниор шартнома бўйича кескинлашиб бораётган келишмовчиликни ҳал қилиш учун яқин 48 соат ичида муҳим юзма-юз учрашув ўтказишади.
Клуб раҳбарияти ушбу ҳал қилувчи музокаралар давомида ўз позициясида қатъий туришни режалаштирмоқда. Улар футболчининг талабларига ён бермасдан, охирги ойларда билдирилган таклифни ўзгаришсиз қолдиришади. Сўнгги хабарларга кўра, «Реал» ўз таклифини йилига 22 миллион еврогача оширган эди.
Бразилиялик юлдуз эса мавсумига қарийб 30 миллион евролик шартнома олишни хоҳламоқда. Ушбу катта молиявий фарқ Премьер-лига чемпиони «Арсенал»нинг жиддий трансфер қизиқишига сабаб бўлди.
Энди ҳал қилувчи қарор тўлиқ 26 ёшли вингернинг ўзига боғлиқ. Агар у ушбу охирги таклифни рад этса, Испания гранди уни шу ёздаёқ сотиб юбориш йўлини тутиши мумкин. «Қаймоқранглилар» келаси йили ўз юлдузини текинга бой беришдек ноқулай вазиятга тушиб қолишни исташмаяпти.
