Венгер ФИФАнинг ЖЧнинг бир қисм ҳуқуқларини сотиш режаларидан хабари бўлмаганини маълум қилди.
Арсен Венгер Жаҳон чемпионатига оид тижорат режаси атрофидаги вазиятга изоҳ берди.
Эслатиб ўтамиз, ўтган ҳафтада ФИФА мусобақа ҳуқуқларини сотиш учун янги тижорат тузилмаси — FIFA Forward Enterprise (FFE) ни ташкил этишни режалаштираётгани маълум бўлган эди. Кейинчалик Инфантино футбол конфедерациялари томонидан билдирилган танқидлар ҳамда УЕФАга аъзо мамлакатларнинг ЖЧга бойкот эълон қилиш таҳдиди фонида бу ғоядан воз кечишга қарор қилди.
«ФИФАдаги сўнгги воқеалар муайян аниқликлар киритишимга лойиқдир.
ФИФАда мен глобал футболни ривожлантириш бўлими раҳбари лавозимини эгаллайман. Жамоам билан биргаликда ўйин маълумотлари таҳлилини, ФИФАнинг онлайн таълим марказини, уларга энг жуда эҳтиёж бўлган 60 та мамлакатдаги 60 та академияда ёшларни тайёрлаш тизимини ривожлантиришни, шунингдек, бутун дунё бўйлаб ёшлар ўртасидаги мусобақаларни назорат қиламан. Бундан ташқари, мен IFABнинг техник маслаҳатчиси ҳисобланаман.
Мен ушбу стратегик режага жалб қилинмаган эдим ва лойиҳа ҳақида илк бор ОАВ хабарларидан билдим. Лойиҳани бекор қилиш ҳақидаги қарор мутлақо зарур эди ва муҳокама қилинмайди, чунки мен масъулият билан, шаффоф ва ҳалол ҳаракат қилиб, ўйинимизга хизмат қилувчи мустақил ФИФАга қатъий ишонаман», – деди Венгер.
