Venger FIFAning JCHning bir qism huquqlarini sotish rejalaridan xabari bo‘lmaganini ma’lum qildi.

Arsen Venger Jahon chempionatiga oid tijorat rejasi atrofidagi vaziyatga izoh berdi.

Eslatib o‘tamiz, o‘tgan haftada FIFA musobaqa huquqlarini sotish uchun yangi tijorat tuzilmasi — FIFA Forward Enterprise (FFE) ni tashkil etishni rejalashtirayotgani ma’lum bo‘lgan edi. Keyinchalik Infantino futbol konfederasiyalari tomonidan bildirilgan tanqidlar hamda UYEFAga a’zo mamlakatlarning JCHga boykot e’lon qilish tahdidi fonida bu g‘oyadan voz kechishga qaror qildi.

«FIFAdagi so‘nggi voqealar muayyan aniqliklar kiritishimga loyiqdir.

FIFAda men global futbolni rivojlantirish bo‘limi rahbari lavozimini egallayman. Jamoam bilan birgalikda o‘yin ma’lumotlari tahlilini, FIFAning onlayn ta’lim markazini, ularga eng juda ehtiyoj bo‘lgan 60 ta mamlakatdagi 60 ta akademiyada yoshlarni tayyorlash tizimini rivojlantirishni, shuningdek, butun dunyo bo‘ylab yoshlar o‘rtasidagi musobaqalarni nazorat qilaman. Bundan tashqari, men IFABning texnik maslahatchisi hisoblanaman.

Men ushbu strategik rejaga jalb qilinmagan edim va loyiha haqida ilk bor OAV xabarlaridan bildim. Loyihani bekor qilish haqidagi qaror mutlaqo zarur edi va muhokama qilinmaydi, chunki men mas’uliyat bilan, shaffof va halol harakat qilib, o‘yinimizga xizmat qiluvchi mustaqil FIFAga qat’iy ishonaman», – dedi Venger.