«Тоттенхэм» ҳимоячиси Микки ван де Вен «Ливерпуль», «Манчестер Юнайтед» ва «Челси» каби клублар томонидан бўлаётган қизиқишлар ҳақидаги хабарларга қарамай, катта эҳтимол билан клубда қолади. «Шпорлар»нинг омадсиз кечган икки мавсумидан сўнг нидерландиялик футболчига бўлган қизиқиш сусайди.

«Тоттенхэм»нинг собиқ ҳимоячиси Тоби Алдервейрелд нима учун трансфер амалга ошмаганини тушунтириб берди:

«Ҳамма Ван де Веннинг тезлиги ҳақида гапиради, лекин у яхши ҳимоячи. Бироқ «Тоттенхэм» деярли лигадан чиқиб кетишига сал қолганини ва у ҳам шу жамоанинг бир қисми бўлганини унутманг. Эҳтимол, клублар бунга қараб, у жамоага яхшироқ ёрдам бериши керак эди, деб ўйлашаётгандир».

25 ёшли Ван де Веннинг амалдаги шартномаси 2029 йилгача мўлжалланган. «Тоттенхэм» уни сотиш ниятида эмас, айниқса Кристиан Ромеронинг эҳтимолий кетиши фонида.