«Tottenxem» himoyachisi Mikki van de Ven «Liverpul», «Manchester Yunayted» va «Chelsi» kabi klublar tomonidan bo‘layotgan qiziqishlar haqidagi xabarlarga qaramay, katta ehtimol bilan klubda qoladi. «Shporlar»ning omadsiz kechgan ikki mavsumidan so‘ng niderlandiyalik futbolchiga bo‘lgan qiziqish susaydi.

«Tottenxem»ning sobiq himoyachisi Tobi Alderveyreld nima uchun transfer amalga oshmaganini tushuntirib berdi:

«Hamma Van de Venning tezligi haqida gapiradi, lekin u yaxshi himoyachi. Biroq «Tottenxem» deyarli ligadan chiqib ketishiga sal qolganini va u ham shu jamoaning bir qismi bo‘lganini unutmang. Ehtimol, klublar bunga qarab, u jamoaga yaxshiroq yordam berishi kerak edi, deb o‘ylashayotgandir».

25 yoshli Van de Venning amaldagi shartnomasi 2029 yilgacha mo‘ljallangan. «Tottenxem» uni sotish niyatida emas, ayniqsa Kristian Romeroning ehtimoliy ketishi fonida.