2026 йилги футбол бўйича Жаҳон чемпионати ўйинларини қабул қилган АҚШнинг бир нечта шаҳри ФИФАга ваъда қилинган маблағлар тўлаб берилмагани муносабати билан эътироз билдирди, деб хабар бермоқда The Athletic.

Шаҳарлар вакилларининг сўзларига кўра, ФИФА турнир меросини сақлаб қолиш харажатларини қоплаш учун ҳар бир шаҳарга 1 миллион доллардан ажратиш мажбуриятини олган, бироқ бу молиявий мажбуриятлар ҳанузгача бажарилмаган.

Жаҳон чемпионатини ўтказиш цикли давомида ташкилот 15 миллиард доллар даромад олганига қарамай, ваъда қилинган тўловлар ҳалигача келиб тушгани йўқ. Дунё биринчилигининг собиқ мезбонлари илгари берилган ваъдаларнинг бажарилишини талаб қилиб, ушбу маблағлар турнир мероси билан боғлиқ лойиҳаларни амалга ошириш учун зарурлигини таъкидламоқдалар.