«Парма» дарвозабони Зион Судзуки «Пари Сен-Жермен»га ўтишга яқин турибди. Инсайдер Николо Скиранинг хабарига кўра, Лига 1 гранди япон футболчисини сотиб олишга бир қадам қолди.

Бироқ бош мураббий Луис Энрикенинг янги дарвозабон бўйича аниқ режалари йўқ, шу сабабли у дарҳол Италияга қайтиб кетиши мумкин – «Ювентус» уни ижарага олишга қизиқмоқда. «Кекса синьора» билан музокаралар аллақачон бошланган.

Олдинроқ Сузукининг трансфери «ПСЖ»га 33 млн еврога тушиши ҳақида хабарлар пайдо бўлган эди. 23 ёшли дарвозабоннинг ўзи Чемпионлар лигасининг амалдаги ғолиблари сафига ўтишни хоҳламоқда.