Ферран Торреснинг "Барселона"дан кетиши мумкинлиги Испания футболида энг кўп муҳокама қилинадиган мавзулардан бири бўлиб қолмоқда.
Футболчининг "кўк-анорранглилар" билан амалдаги шартномаси келаси ёзда тугайди, агар янги шартнома тузилмаса, клуб уни сотишни кўриб чиқиши мумкин. El Larguero нашрининг хабар беришича, бош мураббий Ханс-Дитер Флик ҳужумчи жамоа машғулотларига қайтгандан сўнг унинг келажаги ҳақида у билан муҳокама қилмоқчи.
"Барселона" раҳбарияти ҳам вазиятга ойдинлик киритмоқчи. Агар Ферраннинг ўзи кетиш истагини билдирса, каталонияликлар таклифларни кўриб чиқади. "ПСЖ" томонидан қизиқиш борлиги ҳақидаги миш-мишларга қарамай, ҳозирда аниқ музокаралар олиб борилмаяпти.
