«Трабзонспор» ҳужумчи Муҳаммад Салоҳнинг ўтганини эълон қилди. Футболчи билан шартнома 2028 йилнинг 30 июнигача мўлжалланган.

Битимнинг молиявий шартлари маълум қилинмаган. Салоҳ жамоа мухлисларига мурожаат ёзиб олди ва клуб уни X ижтимоий тармоғига жойлаштирди. Видеода у самолётда «Трабзонспор»нинг 61-рақамли либосида суратга тушган.

Салоҳнинг охирги клуби «Ливерпуль» бўлиб, у шартнома муддати тугагани сабабли 2026 йилнинг ёзида жамоани эркин агент мақомида тарк этган эди.

2026 йилги Жаҳон чемпионатида 34 ёшли Салоҳ бешта ўйин ўтказиб, битта гол урди ва иккита голли узатмага муаллифлик қилди.

Мисрлик футболчининг бозор қиймати 22 миллион еврони ташкил этади.