«Челси» ҳимоячиси Трево Чалоба клубини алмаштиришга яқин турибди. Бугуннинг ўзидаёқ футболчи Италиянинг «Комо» клубига ўтишдан олдин тиббий кўрикдан ўтади.

The Athletic хабарига кўра, клублар трансфер шартларини келишиб олишди. «Челси» дарҳол 25 миллион фунт олади, яна 5 миллионга яқини эса бонуслар сифатида кўзда тутилган. 27 ёшли англиялик ҳимоячи тиббий кўрикдан ўтгач, «Комо» билан беш йиллик шартнома имзолайди.

Чалоба «Челси» академияси тарбияланувчиси ҳисобланади. У «кўклар»нинг асосий жамоасида 2021 йилдан бери тўп суриб келмоқда. Умумий ҳисобда ҳимоячи 151 та ўйинда майдонга тушиб, 8 та гол урган ва шерикларига 3 та голли узатма оширган.