Мадриднинг «Реал» клуби ярим ҳимоячиси Франко Мастантуоно фаолиятини Италия чемпионатида давом эттиради.
Машҳур журналист Фабрицио Романонинг ўз саҳифаларида хабар беришича, «Реал» ва «Фиорентина» эрталаб 18 ёшли аргентиналик футболчининг ижараси бўйича якуний келишувга эришдилар. 2026/27 йилги мавсум якунлангач, футболчи Мадрид клуби қароргоҳига қайтади.
Мастантуоно «Ривер Плейт»дан ўтганидан сўнг 2025 йилнинг ёзида «Реал»га келиб қўшилган эди. Ўнг қанот вингери мадридликлар сафида жами 36 та расмий ўйин ўтказиб, 3 та гол урди ва шеригига 1 та голли узатма оширди.
