Роппа-роса беш йил олдин, 2021 йил 5 август куни футбол дунёси «Барселона»нинг эълонини муҳокама қилаётган эди. Ўшанда Каталония клуби ўз сайтида Лионель Месси билан хайрлашаётганини маълум қилган.
«Келишувга эришилганига ва янги шартнома имзолаш нияти бўлганига қарамай, иқтисодий ва таркибий тўсиқлар (Испания Ла Лигаси қоидалари) сабабли уни расмийлаштиришнинг имкони бўлмади», — дейилган эди «кўк-анорранглилар» эълонида.
Ўшанда «Барселона» футболчи ва клубнинг хоҳишини амалга ошириб бўлмаганидан афсусда эканини билдирган.
Кўп ўтмай Лионель Месси «ПСЖ» ўйинчисига айланди. Аргентиналик футболчи Францияда икки мавсум ўтказди, сўнгра «Интер Майами» билан шартнома имзолаб, MLS'га йўл олди.
