«Барселона» ёзги трансфер ойнаси ёпилгунча «Ал-Ҳилол» ҳимоячиси Жоау Канселуни ўз сафига қўшиб ола олишига бўлган ишончни сақлаб қолмоқда.

Инсайдер Фабрицио Романонинг ижтимоий тармоқлардаги саҳифасида ёзишича, Каталония клуби трансфер суммаси бўйича «Ал-Ҳилол» билан музокараларни давом эттирмоқда. Клублар ўртасида ҳозирча келишувга эришилмаган бўлса-да, «Барселона»да битимнинг муваффақиятли якунланишига ҳеч қандай шубҳа йўқ. Қайд этилишича, португалиялик футболчининг ўзи фаолиятини фақат «Барселона»да давом эттириш ниятида ва бошқа вариантларни кўриб чиқмаяпти.

Канселу аввал ҳам ижара ҳуқуқи асосида Каталония клубида тўп сурган. «Кўк-анорранглилар» сафидаги 65 та ўйинда у олтита гол урган ва шерикларига тўққизта голли узатма оширган.