«Бешикташ» президенти Сердал Адали клуб Душан Влаховичнинг ўтиши бўйича музокаралар олиб бораётганини тасдиқлади.

Аввалроқ Туркия клуби эркин агентга 5 миллион евродан ортиқ имзо бонуси ва солиқлар тўланганидан сўнг мавсумга 8 миллион евро иш ҳақи билан 2 йиллик шартнома таклиф қилаётгани хабар қилинган эди. «Бешикташ» 10 августгача жавоб кутишга тайёр, форвард эса «Барселона»дан таклиф олишга умид қилиб, қарор қабул қилишни пайсалга солмоқда.

Бироқ, Football Italia нашрининг ёзишича, турклар ўзларида «махфий қурол», яъни сербиялик футболчи билан «Фиорентина»да бирга ишлаган мураббий Винченцо Итальяно борлигига ишонишмоқда.

«Биз бунинг устида ишлаяпмиз, Влахович билан музокаралар олиб бормоқдамиз», — деди Адали бугун журналистларга.

Қайд этилишича, «Бешикташ»да Душанни сотиб олиш учун бюджет мавжуд, чунки клуб «Ливерпуль»нинг собиқ вингери Салоҳни трансфер қилиш уринишларидан воз кечган.