Дания терма жамоаси ярим ҳимоячиси Кристиан Нёргор «Арсенал»дан «Эвертон»га ўтди. 31 ёшли футболчи «ирислар» билан икки йиллик шартнома имзолади.

«Бу ажойиб туйғу. Мен «Эвертон» футболчисига айланганимдан жуда бахтиёрман ва хурсандман. Бунга сабаблар кўп эди. Менга ўзгаришлар ва майдонда муҳимроқ роль кераклигини ҳис қилдим. Дэвид Мойес ҳамда музокараларда қатнашган клубнинг бошқа вакиллари билан гаплашганимда, клуб лойиҳаси ҳақида эшитдим ва бу мени жуда қизиқтириб қўйди. Бу ерга келганимдан сўнг эса бу туйғу янада кучайди», — деди Нергор.

Transfermarkt портали футболчининг трансфер қийматини 5 миллион еврога баҳоламоқда.

Ўтган мавсумда Нёргор барча мусобақаларда 20 та ўйинда майдонга тушиб, 3 та голли узатмани амалга оширди.