Лондоннинг «Арсенал» клуби бош мураббийи Микель Артета жамоанинг янги мавсумдаги вазифалари ҳақида фикр билдирди.

Ўтган мавсумда «канонирлар» 22 йил ичида илк бор Премьер-лига ғолибига айланишди, шунингдек, Чемпионлар Лигаси ва Лига кубогида финалгача етиб бориб, «ПСЖ» ҳамда «Манчестер Сити»га имкониятни бой беришган эди.

«Биз ҳар бир соврин учун курашамиз — бу бизнинг амбициямиз. Ёз давомида мен томонимдан амалга оширилган барча ишлар кейинги ғалабалар ва клубда сулола яратиш учун нима кераклигини аниқлашга қаратилган. Бу бизнинг мақсадимиз», — деди Артета Premier Sports’га берган интервьюсида.

Чоршанба куни «Арсенал» ўртоқлик ўйинида «Бетис»га (1:3) имкониятни бой берди.