Londonning «Arsenal» klubi bosh murabbiyi Mikel Arteta jamoaning yangi mavsumdagi vazifalari haqida fikr bildirdi.
O‘tgan mavsumda «kanonirlar» 22 yil ichida ilk bor Premyer-liga g‘olibiga aylanishdi, shuningdek, Chempionlar Ligasi va Liga kubogida finalgacha yetib borib, «PSJ» hamda «Manchester Siti»ga imkoniyatni boy berishgan edi.
«Biz har bir sovrin uchun kurashamiz — bu bizning ambisiyamiz. Yoz davomida men tomonimdan amalga oshirilgan barcha ishlar keyingi g‘alabalar va klubda sulola yaratish uchun nima kerakligini aniqlashga qaratilgan. Bu bizning maqsadimiz», — dedi Arteta Premier Sports’ga bergan intervyusida.
Chorshanba kuni «Arsenal» o‘rtoqlik o‘yinida «Betis»ga (1:3) imkoniyatni boy berdi.
