Catalunya Radio хабарига кўра, "Барселона" ҳимоячиси Эрик Гарсия таътилни вақтидан олдин тугатиб, мавсумга тайёргарлик машғулотларига режадан илгари қайтмоқчи.

24 ёшли футболчи Испания терма жамоаси таркибида ЖЧ-2026 ғолиби бўлган "Барселона" аъзолари учун расмий таътил 12 августгача белгиланганига қарамай, шу дам олиш кунлари Ханси Флик жамоасига қўшилиши кутилмоқда.

Хабар қилинишича, Эрик ЖЧ давомида Пау Кубарси ва Эмерик Лапорт ортидан асосан захирада ўтириб, турнир давомида бор-йўғи 20 дақиқа атрофида майдонда ҳаракат қилгани сабабли жисмоний жиҳатдан барвақт қайтишга тайёр деб ҳисоблайди.

Шунингдек, хабарда Марк-Андре тер Штеген жамоани тарк этганидан сўнг, Гарсия "Барселона"нинг янги сардорларидан бирига айланиш учун асосий номзод сифатида эътироф этилаётгани айтилади. Унинг машғулотларга барвақт қайтиш қарори янги мавсум олдидан клубга бўлган садоқатининг яна бир белгиси сифатида кўрилмоқда.

Гарсия ўтган 2025/26 мавсумини Флик қўл остида муваффақиятли ўтказиб, бир нечта позицияларда умумий 51 та ўйинда майдонга тушди ва таркибнинг муҳим аъзосига айланди.