Catalunya Radio xabariga ko‘ra, "Barselona" himoyachisi Erik Garsiya ta’tilni vaqtidan oldin tugatib, mavsumga tayyorgarlik mashg‘ulotlariga rejadan ilgari qaytmoqchi.

24 yoshli futbolchi Ispaniya terma jamoasi tarkibida JCH-2026 g‘olibi bo‘lgan "Barselona" a’zolari uchun rasmiy ta’til 12 avgustgacha belgilanganiga qaramay, shu dam olish kunlari Xansi Flik jamoasiga qo‘shilishi kutilmoqda.

Xabar qilinishicha, Erik JCH davomida Pau Kubarsi va Emerik Laport ortidan asosan zaxirada o‘tirib, turnir davomida bor-yo‘g‘i 20 daqiqa atrofida maydonda harakat qilgani sababli jismoniy jihatdan barvaqt qaytishga tayyor deb hisoblaydi.

Shuningdek, xabarda Mark-Andre ter Shtegen jamoani tark etganidan so‘ng, Garsiya "Barselona"ning yangi sardorlaridan biriga aylanish uchun asosiy nomzod sifatida e’tirof etilayotgani aytiladi. Uning mashg‘ulotlarga barvaqt qaytish qarori yangi mavsum oldidan klubga bo‘lgan sadoqatining yana bir belgisi sifatida ko‘rilmoqda.

Garsiya o‘tgan 2025/26 mavsumini Flik qo‘l ostida muvaffaqiyatli o‘tkazib, bir nechta pozisiyalarda umumiy 51 ta o‘yinda maydonga tushdi va tarkibning muhim a’zosiga aylandi.