Ҳужумчи Ферран Торреснинг яқиндаги баёнотлари унинг "Барселона"дан кетишини тезлаштириши мумкин.

26 ёшли футболчи "ПСЖ" томонидан ўзига бўлган қизиқишни "яхши белги" деб атади, шунингдек, "кўк-анорранглилар" уни олиб қолиш учун чаққонроқ ҳаракат қилишлари кераклигига шаъма қилди. Mundo Deportivo хабарига кўра, "Барселона"да форварднинг ушбу гапларини жамоадан кетиш истагининг очиқ-ошкора ишораси сифатида баҳолашди. Энди Каталония клуби аниқ таклифларни кутмоқда.

Торрес учун асосий даъвогар "ПСЖ" ҳисобланади. "Барса" раҳбарияти парижликлар Жаҳон чемпионати финалидаги ғалаба голи муаллифи учун жозибадор маблағ таклиф қилишларини кутмоқда. Ферраннинг амалдаги шартномаси келаси йили тугайди, аммо уни арзонга сотишмайди.