La Gazzetta dello Sport хабарига кўра, "Интер" чап қанот ҳимоячиси Федерико Димарко билан унинг келажагини узоқ муддатга клубга боғлаш мақсадида яқин орада музокаралар ўтказишни режалаштирмоқда.
Унинг амалдаги шартномаси келаси йили тугайди (унда яна бир мавсумга узайтириш варианти мавжуд), аммо "нерадзурри"лар уни 2030 йилгача мўлжалланган янги келишув билан жамоада олиб қолмоқчи.
Италиялик чап қанот ҳимоячиси мавсумга тайёргарлик ўйинларида ажойиб спорт формасида эканини кўрсатмоқда — у "Милан"га гол урди ва "Манчестер Сити"га қарши баҳсда ассистни ўз ҳисобига ёзиб қўйди.
Кристиан Киву тизимининг ажралмас бўлаги деб ҳисобланадиган Димарко ўтган мавсумда А Серияда 7 та гол урган ва 16 та голли узатмага муаллифлик қилган эди.
