«Пари Сен-Жермен»нинг «Мальорка»га қарши ўйиндаги (0:3) омадсизлигидан сўнг Рафель Поль ўз фикрлари билан ўртоқлашди. Culture PSG хабарига кўра, Луис Энрикенинг ёрдамчиси жамоа тинимсиз меҳнат қилишда давом этган ҳолда олдинга ҳаракат қилиши кераклигини таъкидлади:
«Бу жуда ўзгача ўйин бўлди, чунки биз жуда кам машғулот ўтказган эдик. Бир нечта футболчилар асосий жамоа таркибидаги илк ўйинларини ўтказишди. Натижа биз кутгандек бўлмади. Фикримча, биз вазиятга ижобий кўз билан қарашимиз керак. Тезда олдинга ҳаракат қилишимиз ва меҳнатни давом эттиришимиз лозим», — деди у.
Луис Энрике шогирдлари Суперкубок билан бошланадиган расмий мавсум олдидан ўзларининг ёзги иккинчи синов ўйинида «Манчестер Юнайтед»га қарши майдонга тушишади.
