"Барселона" ҳимоячиси Алехандро Бальденинг жисмоний ҳолати клуб мураббийлар штабини ташвишга солмоқда. Футболчи қарийб икки ҳафтадан бери умумий гуруҳ машғулотларида қатнашмай, якка тартибда шуғулланишга мажбур бўлмоқда.

Манбаларнинг маълум қилишича, бунга йиллар муқаддам футболчининг умрутқа поғонасида орттириб олган жароҳати сабаб бўлмоқда. Шу кунларда Бальде айнан ўша эски жароҳатнинг асоратлари туфайли бел қисмидаги оғриқлардан азият чекяпти.

Тиббий штаб вакиллари футболчининг соғлиғига жиддий эътибор қаратган ҳолда, унинг майдонга қачон тўлақонли қайтишини эҳтиёткорлик билан баҳолашмоқда. Мураббийлар эса хавфнинг олдини олиш мақсадида уни ортиқча юкламалардан асрашга ҳаракат қилишяпти.