«Борнмут» «Севилья» ҳимоячиси Хуанлу Санчеснинг ўтганини расман эълон қилди.

Аввалроқ «олчалар» 22 ёшли ўйинчи учун дарҳол 9,4 миллион фунт тўлашлари, яна 1,7 миллион фунт эса бонуслар кўринишида кўзда тутилгани ҳақида хабар берилган эди. Ўнг қанот ҳимоячиси Англия клуби билан узоқ муддатли шартнома имзолайди.

Таъкидлаш жоизки, қишда ўйинчига «Эвертон» ва «Байер» даъвогарлик қилган эди. «Севилья» ҳимоячи билан 20 миллион евро эвазига хайрлашишга тайёр эди.

Ўтган мавсумда Хуанлу клуб сафида барча турнирларда 35 та ўйин ўтказди. Ҳимоячи ушбу баҳсларда 3 та голли узатма билан ажралиб турди.

«Борнмут» АПЛнинг ўтган мавсумида 6-ўринни эгаллади ва Европа Лигасининг умумий босқичига йўлланмани қўлга киритди. Марко Розе жамоаси янги мавсумни 23 август куни «Манчестер Сити»га қарши ўйин билан бошлайди.