Ташкилот баҳсли инвестицион лойиҳадан воз кечганига қарамай, УЕФА ҳали ҳам ФИФА турнирларини, жумладан жаҳон чемпионатини бойкот қилиш эҳтимолини истисно этмаяпти.
«УЕФА миллий ассоциациялари ФИФА мусобақаларидаги иштироки шартларини аниқ белгилаб олишди. Йирик турнирлардаги улушларни сотиш бўйича таклифлар тўлиқ қайтариб олиниши, шунингдек, бу каби уринишлар қайта такрорланмаслиги бўйича кафолатлар берилиши керак эди. Ушбу шартлар бажарилмади», — дейилади УЕФА баёнотида.
Аввалроқ Инфантино ФИФАнинг энг йирик турнирларига хусусий инвесторларни жалб қилишни таклиф этган эди, бироқ танқидлардан сўнг ташкилот ушбу ғоядан воз кечди.
