Франциянинг «ПСЖ» клуби ярим ҳимоячи Магнес Аклиушнинг «Монако»дан трансферини расман эълон қилди.
Футболчи билан 2031 йилга қадар мўлжалланган шартнома имзоланди. Аклиуш Париж клубида 11-рақам остида тўп тепади.
Аввалроқ ОАВда Франция терма жамоаси аъзоси учун «ПСЖ» «Монако»га 50 миллион евро тўлаши ҳақида хабарлар тарқалган эди.
Аклиуш «Монако» академияси тарбияланувчиси ҳисобланади. У асосий жамоа сафида 2022 йилнинг ёзидан буён тўп суриб келаётганди.
Ўтган мавсумда ярим ҳимоячи барча мусобақаларда 43 та учрашувда майдонга тушиб, 7 та гол ва 11 та голли узатмага муаллифлик қилди.
Transfermarkt маълумотига кўра, футболчининг бозор қиймати 50 миллион еврога баҳоланмоқда.
