«Комо» бош мураббийи Сеск Фабрегас Дортмунднинг «Боруссия» клубидан ижарага олинган ҳимоячи Ян Коутунинг трансферига ўз муносабатини билдирди.

«Ян — довюрак ва жуда техник футболчи. У ўнг қанотимизда турли хил ўйин вариантларини тақдим этади. У олдинга ўйнашни яхши кўради, ажойиб энергияга эга ва биз ўйнамоқчи бўлган футбол услубига жуда мос тушади. У ҳали ёш, лекин аллақачон муҳим тажрибага эга. Биз билан биргаликда у ривожланишда давом эта олишига ишонамиз», — дея Фабрегаснинг сўзларини келтирмоқда Италия клуби матбуот хизмати.

Ўтган мавсумда 24 ёшли бразилиялик футболчи барча турнирларда 26 та ўйинда майдонга тушиб, 3 та гол урган ва 2 та голли узатмага муаллифлик қилган.