Лондоннинг «Тоттенхэм» клуби ҳимоячиси Микки ван де Вен жамоада қолади. Клуб нидерландиялик футболчи билан молиявий шартлари яхшиланган янги узоқ муддатли шартнома бўйича оғзаки келишувга эришди. Бу ҳақда инсайдер ва журналист Фабрицио Романо хабар бермоқда.
Манба берган маълумотларга кўра, томонлар бўлажак битимнинг сифат ва маош оширилиши билан боғлиқ барча асосий деталларини келишиб олишган. «Шпорлар» раҳбарияти 24 ёшли ҳимоячини жамоанинг асосий ва муҳим ўйинчиларидан бири деб ҳисоблаб, ушбу трансфер ойнасида сотишни мутлақо режалаштирмаган эди. Келишув ҳақидаги расмий эълон яқин соатларда кутилмоқда.
Микки ван де Вен 2023 йилдан бери Германиянинг «Вольфсбург» клубидан кўчиб ўтганидан сўнг лондонликлар шарафини ҳимоя қилиб келмоқда.
Ўтган мавсумда футболчи барча мусобақаларда 45 та ўйинда майдонга тушиб, 7 та гол урган ва 1 та голли узатмага муаллифлик қилган. Transfermarkt порталига кўра, унинг бозор қиймати 50 миллион еврони ташкил этади.
