Мадриднинг «Атлетико» клуби ҳужумчиси Хулиан Альварес ҳали ҳам «Барселона»нинг эътибор марказида бўлиб турибди. Бу ҳақда El Partidazo de COPE хабар бермоқда.
Манба маълумотларига кўра, Альварес «Атлетико» раҳбариятига «Барселона»га ўтиш истагини билдириб, клублар ўртасида музокараларни бошлаш ташаббуси билан чиқмоқчи. Таъкидланишича, каталонияликлар «Манчестер Сити»дан Родри трансфери бўйича битимни ҳам имкон қадар тезроқ ёпишни хоҳлашмоқда.
2025/26 йилги мавсумда Альварес барча турнирларни ҳисобга олган ҳолда 49 та ўйинда майдонга тушиб, 20 та гол урди ва 9 та голли узатмага муаллифлик қилди.
Transfermarkt портали 2026 йилги жаҳон вице-чемпионини 120 миллион еврога баҳоламоқда.
