Италиялик инсайдер ва журналист Николо Скиранинг хабар беришича, Франциянинг «Пари Сен-Жермен» клуби А Серия вакили «Парма»нинг 23 ёшли дарвозабони Дзион Сузукини ўз сафига қўшиб олиш арафасида турибди.
Европа чемпионлари Япония терма жамоаси посбони учун италияликларга бонуслар билан биргаликда тахминан 36 миллион евро тўлаб беради. Судзукининг ўзи эса парижликлар билан 2031 йилгача мўлжалланган узоқ муддатли шартнома шартларини келишиб олган.
Туриннинг «Ювентус» клуби ва бошқа бир қатор топ-клублар томонидан жиддий қизиқиш бўлганига қарамай, 23 ёшли посбон «Парк де Пренс»га кўчиб ўтишни афзал кўрди.
Япониялик дарвозабон «ПСЖ»да Матвей Сафоновга ўринбосар сифатида олиб келинмоқда, аммо келажакда асосий таркибдаги ўрин учун жиддий рақобат таклиф эта оладиган салоҳиятга эга.
