Italiyalik insayder va jurnalist Nikolo Skiraning xabar berishicha, Fransiyaning «Pari Sen-Jermen» klubi A Seriya vakili «Parma»ning 23 yoshli darvozaboni Dzion Suzukini o‘z safiga qo‘shib olish arafasida turibdi.

Yevropa chempionlari Yaponiya terma jamoasi posboni uchun italiyaliklarga bonuslar bilan birgalikda taxminan 36 million yevro to‘lab beradi. Sudzukining o‘zi esa parijliklar bilan 2031 yilgacha mo‘ljallangan uzoq muddatli shartnoma shartlarini kelishib olgan.

Turinning «Yuventus» klubi va boshqa bir qator top-klublar tomonidan jiddiy qiziqish bo‘lganiga qaramay, 23 yoshli posbon «Park de Prens»ga ko‘chib o‘tishni afzal ko‘rdi.

Yaponiyalik darvozabon «PSJ»da Matvey Safonovga o‘rinbosar sifatida olib kelinmoqda, ammo kelajakda asosiy tarkibdagi o‘rin uchun jiddiy raqobat taklif eta oladigan salohiyatga ega.