Мюнхеннинг «Бавария» клуби шу ёзда португалиялик 31 ёшли ярим ҳимоячи Жуан Пальиньяни сотишга тайёр, чунки бош мураббий Венсан Компани уни ўз режаларига киритмаган.
«Астон Вилла» Португалия терма жамоаси аъзосига жиддий қизиқиш билдиришда давом этмоқда ва икки клуб ўртасида бўлиб ўтган ўртоқлик учрашувидан сўнг музокаралар ўтказиши мумкин. Шунга қарамай, ESPN ва weltfussball.de хабарларига кўра, «Ньюкасл Юнайтед» ҳам Палинья учун курашга қўшилган.
«Бавария» футболчи учун камида 20–25 миллион евро атрофида трансфер суммаси талаб қилмоқда. Ҳар икки Англия клуби ушбу суммани тўлашга қодир деб баҳоланмоқда.
Шу билан бирга, Португалиянинг «Бенфика» клуби АПЛ жамоалари билан музокаралар барбод бўлишидан умидвор. Jornal de Noticias ва O Jogo нашрларига кўра, «Бавария» трансфер суммасини пасайтирса ёки мажбурий сотиб олиш шарти билан ижарага рози бўлса, «Бенфика» дарҳол футболчини ўз сафига қўшиб олишга ҳаракат қилади.
Футболчининг ўзи Мюнхен клуби томонидан қўйилган юқори нарх сабабли Португалияга қайтиш имконияти хавф остида қолаётганидан норози. Агар мос келадиган трансфер варианти топилмаса, Пальинья Мюнхенда қолиши ҳам мумкин.
