«Гранада» клуби собиқ дарвозабони Лука Зидан фаолиятини «Леганес»да давом эттиради. 28 ёшли дарвозабон янги клубига тўлиқ трансфер асосида ўтди.

Томонлар бир мавсумга мўлжалланган шартнома тузишди. Келишувни яна бир йилга узайтириш имконияти ҳам мавжуд. Трансфернинг молиявий шартлари расман ошкор қилинмаган.

Зидан сўнгги икки мавсумни Сегундада иштирок этган «Гранада» таркибида ўтказди. Бу вақт давомида у барча мусобақаларда 45 та учрашувда майдонга тушиб, 15 та баҳсда ўз дарвозасидан гол ўтказмади.

Лука Зидан «Реал» академияси тарбияланувчиси ва яқинда Франция миллий терма жамоаси бош мураббийи этиб тайинланган афсонавий француз футболчиси ва мураббий Зинедин Зиданнинг ўғли ҳисобланади.