«Granada» klubi sobiq darvozaboni Luka Zidan faoliyatini «Leganes»da davom ettiradi. 28 yoshli darvozabon yangi klubiga to‘liq transfer asosida o‘tdi.

Tomonlar bir mavsumga mo‘ljallangan shartnoma tuzishdi. Kelishuvni yana bir yilga uzaytirish imkoniyati ham mavjud. Transferning moliyaviy shartlari rasman oshkor qilinmagan.

Zidan so‘nggi ikki mavsumni Segundada ishtirok etgan «Granada» tarkibida o‘tkazdi. Bu vaqt davomida u barcha musobaqalarda 45 ta uchrashuvda maydonga tushib, 15 ta bahsda o‘z darvozasidan gol o‘tkazmadi.

Luka Zidan «Real» akademiyasi tarbiyalanuvchisi va yaqinda Fransiya milliy terma jamoasi bosh murabbiyi etib tayinlangan afsonaviy fransuz futbolchisi va murabbiy Zinedin Zidanning o‘g‘li hisoblanadi.