Таниқли испаниялик журналист Жерар Ромеро Рональд Араухонинг «Барселона»дан «Ливерпуль»га ўтиши ҳақида фикр билдирди.

Жума куни маълум бўлишича, клублар уругвайлик футболчининг ижараси бўйича барча шартларни келишиб олишган. Битим яқин вақт ичида расмийлаштирилади.

«Араухо «Барселона»да қийин даврни бошидан кечирди. Узига келиш ва ҳаммасини қайтадан бошлаш учун унга танаффус керак эди. У доимо ОАВ ва «Барса» жамоатчилиги томонидан танқидларга учраб келди. Ушбу воқеалардан сўнг Рональд муҳитни ўзгартиришга ва Премьер-лигада ўз бахтини синаб кўришга қарор қилди. Эртага [бугун] у жамоадошлари билан хайрлашади», – деди Ромеро.

Ижара даврида «Ливерпуль» Араухонинг маошини тўлиқ ҳажмда тўлаб беради.