Аргентина терма жамоасининг чап қанот ҳимоячиси Николас Тальяфико жамоанинг ўтиб кетган Жаҳон чемпионатидаги иштироки ҳақида ўз фикрлари билан ўртоқлашди.

«Альбиселесте» мундиалда кетма-кет иккинчи зафардан бир қадам олисда тўхтади. Лионель Скалони жамоаси финалда қўшимча бўлимлар якунига кўра Испанияга имкониятни бой берди (0:1).

«Биз ушбу Жаҳон чемпионати билан фахрланишимиз керак. Кетма-кет иккита финалга етиб келиш, иккита медални қўлга киритиш — осон эмас. Мағлубиятни ҳам тан олишни билиш лозим. Бу медаль сенинг охиригача етганингни, бор кучингни берганингни кўрсатади. Бу жуда катта аҳамиятга эга», – деди клуб даражасида «Лион» шарафини ҳимоя қилаётган 33 ёшли футболчи.

Испанияликларнинг ҳал қилувчи голи 106-дақиқада Ферран Торрес томонидан киритилди.