«Арсенал»нинг янги футболчиси Бруно Гимараэс жамоа ярим ҳимоячиси Деклан Райсдан олган хабарини ошкор қилди.

Эслатиб ўтамиз, «канонирлар» 8 август куни бразилиялик хавбек билан меҳнат шартномаси имзоланганини расман эълон қилди. Гимараэс бунга қадар «Ньюкасл» сафида тўп тепган.

«Райс менга шундай деб ёзди: “Бу ерга кел ва илтимос, энди бошқа жанжаллашмаймиз, энди дўстмиз!” Унинг менга ёзганидан хурсанд бўлдим», — дея Гимараэснинг сўзларини келтиради «Арсенал» матбуот хизмати.

Аввалроқ ОАВда Бруно Гимараэснинг трансфери «Арсенал»га 90 миллион евро атрофидага тушгани ҳақида хабарлар тарқалган эди.

Қайд этиш жоиз, Гимараэс 2022 йилдан буён «Ньюкасл» шарафини ҳимоя қилиб келган. У ўтган мавсумда жамоа сафида 41 та учрашувда майдонга тушиб, 9 та гол урган.