Суперлиганинг 16-турида «Бунёдкор» ўз майдонида ОКМКни қабул қилди. Қизиқарли ва голларга бой кечган учрашувда меҳмонлар 3:2 ҳисобида ғалаба қозонди.

Учрашувда ҳисоб 26-дақиқада очилди. «Бунёдкор» футболчиси Дмитрий Плетнёв жамоасини олдинга олиб чиқди.

33-дақиқада ОКМК пенальти ишлаб олди ва Сиаваш Ҳақназарий тўпни аниқ зарба билан дарвозага йўллаб, ҳисобни тенглаштирди.

39-дақиқада Нодирбек Абдураззоқов ОКМКни олдинга олиб чиқди. Орадан уч дақиқа ўтиб, Азиз Холмуродов меҳмонларнинг учинчи голини урди.

Иккинчи бўлим бошида, 47-дақиқада Носиржон Абдусаломов «Бунёдкор»нинг иккинчи голига муаллифлик қилиб, ҳисобни 2:3 кўринишига келтирди.

Қолган дақиқаларда бошқа гол урилмади ва ОКМК муҳим уч очкога эга чиқди.

Олмалиқликлар 28 очко билан 4-ўринга кўтарилди. "Бунёдкор" 19 очко билан 10-поғонада.