Мадриднинг «Реал» клуби ўртоқлик ўйинида Венгриянинг «Ференцварош» жамоасини ўз майдонида мағлуб этди. Учрашув 2:1 ҳисобида якунланди.

Жозе Моуриньо шогирдлари учрашувнинг 41-дақиқасида ҳисобни очишди. Арда Гюлер бурчак зарбасини амалга оширгач, тўп Алексис Сирияга, сўнг Марио Ривасга узатилди. Ривас йиқила туриб боши билан зарба йўллаб, ушбу узатмани муваффақиятли якунлади. 48-дақиқада Карлос Эспи Федерико Вальверденинг узатмасини дарвозанинг ўнг пастки бурчагига йўналтириб, меҳмонларнинг устунлигини икки баробарга оширди.

57-дақиқада мезбонлар ўзларининг ягона голини уришди. Захариассеннинг ўнг қанотдан узатган тўпини Хёйсен қайтармади, Рюдигер эса тўпга биринчи бўлиб етиб бора олмади ва Кенан Кодро якуний ҳисобни ўрнатди.

«Реал»нинг олдинда «Депортиво» ва «Шальке 04» жамоаларига қарши ўртоқлик ўйинлари режалаштирилган.