Мадриднинг «Реал» клуби бош мураббийи Жозе Моуриньо ҳужумчи Винисиус Жуниор билан шартнома узайтирилганига изоҳ берди.
Бразилиялик футболчининг келажаги узоқ вақт давомида ноаниқ бўлиб турган эди. ОАВда унга «Арсенал» томонидан қизиқиш борлиги ҳақида хабарлар пайдо бўлганди, бироқ Винисиус Мадридда қолишга қарор қилди ва «Реал» билан 2032 йилнинг ёзигача мўлжалланган янги битим имзолади.
«Энг муҳими — шартноманинг узайтирилиши. Янги битим у учун ҳам, барчамиз учун ҳам қувонч манбаидир», — дейди Моуриньонинг сўзларини Фабрицио Романо ўз ижтимоий тармоқларида келтириб.
Винисиус 2018 йилда «Фламенго»дан мадридликлар сафига кўчиб ўтганидан бери клуб шарафини ҳимоя қилиб келмоқда.
